Gëschter war di éischt offiziell Sëtzung ënnert dem neie Buergermeeschter Michel Wolter. U sech war näischt spektakuläres ze diskutéieren, intressant war awer d’Aféierungsried vum neie Buergermeeschter. “Käerjeng 2020″ heescht de Slogan mat dem hien lo 20 Méint laang wäert duerch d’Generalversammlungen zéien fir de Bierger ze verkréckelen datt et nawell en Zukunfstprojet fir eis Gemeng get (wat mer bis elo op alle Fall vermësst hunn), an der Hoffnung, datt d’Bierger der CSV am Oktober 2011 nach emol eng Chance ginn. Ech hunn awer d’Impressioun, datt dat weder den Zukunftsprojet vun der CSV, nach vun der CSV-DP-Déi Gréing Majoritéit ass, mee dat et sech hei juste an eleng ëm di perséinlech Visiounen vum Michel Wolter handelt.

Egal. Wann den Här Wolter dervu schwätzt, datt de Staat eis Gemeng net eescht hëllt (Stéchwierder: Industrie a Contournement), da muss ech him Recht ginn. Froen awer direkt hannendrop: Wie soutz dann iwwert ee Jorzéngt an der Regierung, am Inneministär ?! Wie sëtzt da schon zanter 1984 an der Chamber, als Députéierten oder als Fraktiounspresident ?! Hätt dës Persoun net kënnen an der Vergaangenheet sech e bessi méi ëm eis Gemeng beméihen ? Elo op emol wou dës Persoun, géint säi Wëllen (!), d’Geschécker vun eiser Gemeng leede muss (!) gesäit alles anescht aus ?

Allez, Allez ! Mäer brauchen en Zukunftsprojet, Jo! Mäer musse mam Staat iwwer verschidden Dossier’en streiden, Jo! Mäer mussen eis awer och ëm d’Suergen vun haut këmmeren, ëm de Projet “Käerjeng 2010″.  D’LSAP wäert dat weiderhin maachen, mat Engagement a Konsequenz!

Karrikatur: Carlo Schneider (tageblatt)

(Artikel aus dem Tageblatt 25-1-2010) Ab dem 1. Januar 2010 soll der Wasserpreis laut der EU-Wasserrahmenrichtlinie in allen Gemeinden kostendeckend sein. Der Präsident der LSAP Bascharage, Yves Cruchten, lud infolgedessen die Mitglieder der Sektionen aus dem Kordall zu einem „Tag des Wassers“ ein.

BASCHARAGE – Damit die Teilnehmer sich ein präzises Bild von der aufwendigen und kostenintensiven Aufbereitung des Trinkwassers machen konnten, standen zwei Besichtigungen auf dem Programm.

Am Vormittag nahmen die Teilnehmer an einer Führung des „Syndicat des eaux du sud“ (SES) in Koerich teil. Das dort geförderte Quellwasser stammt ausschließlich aus der geologischen Formation des Luxemburger Sandsteins im Gebiet des Eischtals. Beim Durchsickern wird das Wasser durch die Erdschichten gefiltert und gereinigt und gelangt in Form von Quellen wieder an die Oberfläche, ehe der Wasserkreislauf wieder von vorne beginnt.

Am Nachmittag folgte dann die Besichtigung der interkommunalen Kläranlage Siach von Petingen. Dort wird das Abwasser des Einzugsgebietes der Korn behandelt. Nach einer mechanischen Klärung, einer biologischen Klärung und anschließender Schlammbehandlung wird das Wasser wieder der Korn zugeführt. Besonders in dieser Anlage wurde den Teilnehmern bewusst, wie aufwendig die sorgfältige Aufbereitung der Abwässer ist. Da das Ende 2008 verabschiedete Wasserrahmengesetz auf kommunaler Ebene etliche Fragen aufwirft, luden Yves Cruchten, Georges Engel und der Leiter der Kläranlage, Raymond Erpelding, die Teilnehmer der LSAP-Sektionen zu einer Gesprächsrunde ein. Die wirtschaftliche Kostenanalyse, die der Tarifgestaltung laut Gesetz zugrunde liegen soll, hat sich als extrem schwierig erwiesen. Eine korrekte Berechnung ab 1. Januar ist deshalb äußerst problematisch und bedarf wohl mehrerer Nachbesserungen.

(Photo: Tageblatt)

Da laut der Überzeugung des LSAP-Gemeindeforums die Gestaltung des Wasserpreises sowohl sozialen als auch ökologischen Kriterien genügen muss, ergeben sich verschiedene Rechnungsmethoden. Wasser ist ein lebensnotwendiges Allgemeingut und die Grundversorgung mit Trinkwasser muss für alle Bürger gewährleistet sein, der Verschwendung von Wasser muss jedoch Einhalt geboten werden. Der Wasserpreis kann beispielsweise variabel gestaltet werden, gezahlt wird ein Preis pro Kubikmeter, in welchem Netzkosten, Taxen und Wasser enthalten sind. Eine andere Möglichkeit ist die Aufteilung des Wasserpreises in einen fixen und einen variablen Anteil. Der fixe Anteil entspricht den Netzkosten und richtet sich nach der Art des Anschlusses, die variable Komponente richtet sich nach dem Wasserverbrauch. Preisunterschiede gibt es in den verschiedenen Gemeinden bei den Netzkosten, hauptsächlich bedingt durch die Bevölkerungsdichte. Weniger dicht besiedelte Gemeinden müssten ihren Bürgern aufgrund des ausgedehnten Leitungsnetzes einen sehr hohen Wasserpreis verrechnen.

Um die soziale Komponente in den Wasserpreis einfließen zu lassen, könnte ein gestaffelter Wasserpreis eine mögliche Lösung sein. Als lebensnotwendig wird ein Verbrauch von zwölf Litern pro Tag angesehen. Diese Menge könnte aus dem Prinzip der Kostendeckung herausgenommen werden und günstiger angeboten werden. Im gleichen Sinne könnten Subventionen die Haushalte mit niedrigem Einkommen entlasten. Einen paradoxen Effekt hat das Kostendeckungsprinzip beim Einsparen von Wasser. Verbrauchen die Haushalte aufgrund des hohen Preises weniger, werden die, vor allem aus Fixkosten bestehenden Aufbereitungskosten auf eine geringere Quantität aufgeteilt, was schlussendlich einer erneuten Erhöhung des Wasserpreises gleichkommt. ph

 Article Le Quotidien  “Les socialistes se jettent à l’eau”

Gallerie photos : lsap-petange.lu

Wëllkomm hei zu Käerjeng an där schéiner Hal75, dat Bescht wat eis Gemeng a Punkto Kulturzentrum ze bidden huet.

Wann Dir haut sollt kal Féiss kréien, da beschwéiert iech net, och eis Museken an eisen Theater dinn all Kéiers 2 Puer Huesen un wann se hei am Wanter optrieden. D’Heizung kann ee net umaachen, da versteet ee säin eegent Wuert net méi.

Ech soen dat heiten och net ganz ouni Hannergedanken: Zanter bal 15 Joer schwätze mer hei an der Gemeng dervun eis en anstännege Kulturzentrum ze ginn, keen Trifolion, kee Pei-Musée, mee eng adäquat Infrastruktur fir eis kulturschaafend Leit an eis Veräiner. Och ënnert eisem neie Buergermeeschter gëtt dëse Projet op di laang Bänk gedréckt, dh et denkt keen drun en unzepaken.

Dir mierkt léif Komerodinnen a Komeroden, ech sinn amgaang dës Tribune ze mëssbrauchen, déi der mer haut op eisem Südbezierkskongress gitt.

An ech schumme mech och net dofier, well et gëtt grad zu dësem Ament a grad hei zu Käerjeng villes ze soen:

D’Gemeng Käerjeng gëtt eis e gutt Beispill wéi een d’Gemengepolitik NET soll upaken:

Dës Gemeng gëtt gefouert vun enger Schwaarz-Blo-Gringer Koaltioun. An däer sech dat Gringt an dee Bloen awer de Posten am Schäfferot mussen deelen (dh jidereen 3 Joer), e Postesplitting also géint deen sech dee fréieren Inneminister Wolter ëmmer gewiert huet. E Splitting den hien u sech wollt bei mat enger Reform vum Walgesetz am Joer 1997 verbidden.

Gesplitt gouf awer net nëmmen de Schäffeposten, och de Buergermeeschter huet no 2 Joer gewiesselt. Dësen hat awer net vill Zäit sech anzeliewen, well och hien gouf 2 Joer drop ausgestosch géint e fréiere Minister fir deen d’CSV keng Plaz méi hat, weder an der Regierung nach an hierer Chamberfraktioun.

Eis Gemeng krut demno zanter de läschte Walen, den 3. Buergermeeschter an dee 4. Schäfferot. Niewebäi ass och nach de Vertrieder vun der Biergerinitiative bei d’CSV gewiesselt.

Wien do nach eens geet, virun dem zéie mer den Hutt!

D’CSV beweist eis domadder, datt se sech méi ëm hir eegen Intressien an ëm d’Poste beméit wéi ëm d’Bierger an deenen hir Problemer a Suergen. Dofir geet vun eis e kloeren Appel un d’CSV: Dat Gestreids am Schäfferot an och an der CSV muss direkt ophéieren ! Dir schwaarz Kollegen: Bäisst  op d’Zänn, et si just nach knapps 20 Méint bis di nächst Gemengewalen, ech verspriechen äech, mäer Sozialisten wäerten eist Bescht maachen fir äech dann z’erléisen !

Dobäi ass dëst e wichtegen Ament fir eis Gemeng! Sti mer dach net kuerz virun enger méiglecher Fusioun.

Nee, net d’Fusioun vu Bofferding mat Dikkrech, mee d’Fusioun vu Käerjeng mat eiser Nopeschgemeng Kéinzeg. Aus Käerjeng mat bal 8000 a Kënzeg mat knapps 2000 Awunner kënne mer hei am Kordall e wichtegen Zesummeschloss maachen. D’LSAP steet kloer zu dëse Fusiounsgespréicher, schliisslech hu mir gehollef de Steen un d’Rullen ze bréngen. Fir dat nach emol z’ënnersträichen, hu mer eis als 2 LSAP-Sektiounen zesummegedoen fir dëse Kongress z’organiséieren. Mäer wëllen domadde symboliséiren, datt mäer Sozialiste prett sinn fir e Schratt méi wäit ze goen.

Mäer wëllen awer keng Fusioun nëmme fir datt de nächste Buergermeeschter e Vollzäitbuergermeeschter gett.

Mäer wëllen och keng Fusioun fir dem engen oder anere seng politesch Karriär ze relancéieren.

Mäer wëllen och keng Fusioun wëll mer komplexéiert wären par rapport zu deenen anere Gemengen aus dem Kordall.

Mee mäer wëllen eng Fusioun déi den Awunner, dës an déi Säit vum Schack, e reelle Mehrwert bréngt. Dofier solle mer eis di néideg Zäit huelen fir dat ze plangen. Mäer sollen e gemeinsame Projet ausschaffen, d’Politiker, zesumme mat den Awunner. Eng Fusioun mat dem Briecheisen erbäi ze féieren, bréngt kengem eppes.

A senger éischter Usprooch als neie Buergermeeschter huet de Michel Wolter eis vu sénge Visiounen fir Käerjeng verzielt. Den Helmut Schmidt hat emol zum Willy Brandt gesot: Wie Visiounen huet soll bei den Aendokter goen.

Natierlech brauchen brauche mer Visiounen, mäer brauchen awer virun allem konkret Entwécklungskonzepter fir dës Gemeng an dëser Regioun: Wuer gi mer? Wat wëlle mer? Wat fehlt eis ? Wat brauche mer?

Mäer brauche Politiker déi sech ëm d’Wuel vun den Awunner këmmeren a net ëm hier perséinlech Visiounen an hier eege politesch Karriär !

Sou, lo sinn ech menger Roserei e bëssi lass ginn, a wënschen iech am Numm vun all menge Komerode vu Käerjeng a Kënzeg e schéint a gesond neit Joer 2010 an en intressante Kongress. Gidd duerno roueg nach e Patt huelen oder eppes iessen, eis Gemeng huet och méi schéi Saachen ze bidden wéi dës bleche Këscht.

Foto: Isabell Finzi (Tageblatt)

Um Enn vun dëser Sëtzung huet de Buergermeeschter Jeannot Halsdorf (CSV) séng Démissioun eragereecht. Ech wëll dës Démissioun net kommentéieren. Fait ass awer datt mer e stännegt Gedeessems hunn zu Käerjeng an der Gemeng. Lo get dat well deen 3. Buergermeeschter an dee 5. Schäffen zanter de Walen 2005. Et giff héich Zäit ginn datt mer eis mol rem mat de Bierger a sénge Problemer befaassen amplaz just mat de Posten am Schäfferot…

Hei meng Ried zum Budget 2010 vun der Gemeng Käerjeng:

Fir d’éischt emol wëll ech hei kloer stellen, datt dës Stellungnahm zum Budget sech baséiert op der Interpretatioun déi mäer an eiser Fraktioun vun dem Budgetsdokument maachen. Ech wëll dat hei däitlech maachen well et fir eis immens schwéier ass den Detail vun den eenzelen Projet’en a Budgetsposten ze kréien.

Dat ass esou gewollt vun de Majoritéitsparteien: bei kengem vun de Projet’en am Ausseruerdentleche Budget gett di politesch Oppositioun an d’Aarbechte mat agebonnen obwuel mer net midd ginn dat ze froen. Informéiert iwwer e Projet gi mer fréistens 5 Deeg virun enger Sëtzung. Dat ass esou wéi d’Gesetz et virgesäit, mee dat erlaabt net ëmmer de kompletten Duerchbléck ze kréien.

Wien dëse Budget mat dem vun zejoerts vergläicht, dee mierkt datt mer aneren Zäiten entgéint ginn.

Vun engem Iwwerschoss vu 1,7 Milliounen Euro am ordinäre Budget si mer erofkomm op knapps 600.000 Euro, also manner wéi d’Halschend.

Datt mer iwwerhaapt nach am uerdentleche Budget d’Änner beienee kréien ass ganz eleng duerch d’Erhéijung vun den Taxen, notamment vun der Waasser an Ofwaassertaxe z’erklären. Dës eleng maachen eng 635.000 Euro zousätzlech Recetten par rapport zu 2009 aus. Wann eng Gemeng finanziell an d’Labrente kënnt, da bleiwen hier u sech 4 Méiglechkeeten:

1° E Grëff an d’Reserven

Mee dat mech ee nëmmen 1 mol. Domadde kann een also net dem Trend vu manner Recetten entgéintwierken dee mer u sech virausgesot kréien.

2° Et mecht een eng Schold

(ech menge mäer wären eis heibannen eens, datt mer am Moment mat 17 Mio nach genuch Schold hunn an dofier déi Méiglechkeet ewech fällt, och well ee keng Schold ka maachen fir séng uerdentlech Ausgaben ze finanzéieren)

3° Et erhéicht een d’Steieren an d’Taxen

Dat maache mer dëst Joer an zwar net ze knapps !

4° Et probéiert een ze spueren

An dat léiw Kollegen, dat maache mer leider net mat dësem Budget.

Och wa verschidde Projet’en wéi de Centre culturel (ech kommen herno nach emol dozou) ewechfalen, sou get awer net bei eisen uerdentlechen Ausgaben gespuert. D’Entretienskäschten, de Gaz, d’Elektrescht vun de Gebeier explodéieren : An de läschte Joren hu sech dës Käschte méi wéi verduebelt. Am Konnt vun 2007 koume mer nach op ongeféier 1,2 Mio Euro, sou si fir d’nächst Joer bal 3 Mio firgesinn!!! (Dat ass, wa mer d’Peien bis erausrechnen [-9,5 Mio], een Drëttel vun eisen Ausgaben!) Dëst as bedingt duerch di nei Infrastrukturen aus der rezenter Vergaangenheet. Déi kaschten eben net nëmmen beim Invest, mee och wa se bis do stinn kaschten se Ënnerhalt. Mat de neie Sportsinfrastrukturen déi geschwë kommen, wäerten dës lafend Käschten nach weider klammen. Mee dorunner denkt jo keen, haaptsaach mäer kréien se nach mat Zäite virun de Gemengewalen ageweiht.

Wat eis wonnert, ass datt mer net erëmfannen wou de Schäfferot am ordinäre Budget wëll spueren.

A grad hei ënnerscheede mer eis vun der Majoritéit.

Et get héich Zäit datt mer ufänken verschidden Ausgaben déi einfach vu Joer zu Joer iwwerdroe ginn endlech mol a Fro stellen: Kënne mäer z.B. selwer als Gemeng net och mol ufänken Energie ze spueren ? Musse mer wierklech fir 45.000 Euro e Freedefeier fir Groussherzogsgebuertsdag maachen oder giff net och mi e klengt Fest duergoen?

Mat dësem Budget gett d’Geleenheet verpasst di eenzel Ausgaben op de Leescht ze huelen. Et wär responsabel gewiescht, eng gesond Mëschung ze fannen fir enger Säits méi Recetten ze generéieren an anersäits ze probéieren eis Dépensen erofzedrécken.

Dës Majoritéit vun CSV-DP a Greng awer, geet eleng bei de Bierger déi Sue sichen déi elo am Budget fehlen.

An de läschte Joren hu mer als LSAP méi wéi eemol gesot, mäer wäre net daccord mat de Prioritéite vun dëser Majoritéit. Dat war esou an ass esou. Elo rächt et sech, datt mer als eenzeg Prioritéit just an d’Sportsinfrastrukturen investéieren amplaz z.B. an anstänneg Raimlechkeete vir eis Rettungsdéngschter.

Dir wësst datt eis Sozialisten virun allem de sozialen Aspekt intresséiert. Och hei ënnerscheede mer eis däitlech vun der Majoritéit.

1.100 Euro muss een op d’mannst bezuelen fir e Quartier mat 2 Schlofkummeren an eiser Gemeng ze lounen (cf. Observatoire de l’habitat). Zéie mer déi vun engem Mindestloun of, da bleift net méi vill. Mee dës Majoritéit fënnt et net fir néideg sech ëm d’Wunnengspolitik ze beméien. Keen eenzege Projet vu sozialem Wunnégsbau ass an de läschte Jore réaliséiert ginn, grad de Conträr ass souguer wouer, vun dene puer Gemengewunnéngen déi mer nach hunn, verlount de Schäfferot der un d’Veräiner. Och fir 2010 ass hei kee Projet an Aussiicht.

Och wat den Emploi ugeet an d’Bekämpfung vum Chômage mécht dës Majoritéit just dat allernéidegst. Zwar hu mer endlech no laangem Streiden nees erëm e CIGL hei zu Käerjeng, mee méi geschidd awer och net: Am Budget steet zanter 2004 en Artikel fir jonk Chômeueren op der Gemeng ze beschäftegen. An dene 6 Joer sinn exact 0 !!! Euro dovunner gebraucht ginn. (obwuel mer fir all 10 Euro di mer giffen ausginn, der 8,5 vum Staat erëmkriiten) Dat ass net ze verstoen!

Wéi gesot héije mer eis Gemengetaxen. Ze spiire kréien dat virun allem di kleng Leit. Fir si, déi d’nächst Joer mussen zerguddst an d’Täsch gräifen, gëtt et KENG zousätzlech sozial Leeschtungen vun der Gemeng par rapport zu 2009.

Ech giff awer gären den Här Buergermeeschter och félicitéieren fir dëse Budget.

Net wëll mer eis politesch Iwwerléungen ginge mat der Majoritéit deelen. De Conträr ass de Fall. Mee mäer giffen him gäre félicitéieren well hien et fäerdeg bréngt, déi Demokratesch an di Greng Partei derzou ze kréien fir dëse Budget ze stëmmen. 

Ech erënneren drun, datt d’DP am Joer 2005 mat engem eenzege Programmpunkt an d’Wale gaang ass, an zwar de Bau vun engem Kulturzentrum. Vun dësem Projet schwätze mer elo zanter iwwer 10 Joer. Zejoerts huet de Schäffen Lentz e Plädoyer gehalen fir datt endlech dee Projet soll réaliséiert ginn, jo wann een him nogelauschtert huet, huet ee gemengt mäer kriiten haut d’Pläng gewisen. Näischt ass geschitt! De Credit de Démarrage fir de Centre culturel get och 2009 net ugepak, grad ewéi di Jore virdrun steet dëse Betrag just dran fir den Här Lentz ze berouegen. Leo, et ass Schued, du gëss all Joers op e Neits vertréischt mat dem Projet. Ech hoffen datts de geschwënn erkenns datt d’CSV iwwerhaapt net drun denkt fir esou e Kulturzentrum ze bauen. Elo wou et finanziell méi enk get, fällt den dote Projet souwisou schon ewech!

Och di Greng Partei muss bei dësem Budget ferm Schlécken! Virun 2 Joer nach stounge Krediter am Budget fir eng „Energiespuerkampagne“. Dëse Kredit ass net ugepak ginn. Op d’Energiespuerkampagne waarde mer nach haut an och dat anert Joer, ëmsoss. Di vun dene Gréngen zu Recht héichgehale net motoriséiert Mobilitéit steet just zur Belustigung am Budget. Fir de „Plan de Déplacement non-motorisés“ waren 2008 an 2009 jeweils 75.000 Euro virgesinn, keen Cent dovunner ass gebraucht ginn. Fir 2010 ass ze fäerten datt et genee esou virugeet. Déi Gréng ginge sech wënschen wa mer verstärkt op ereneierbar Energie setzen. Mee eis Gemeng ass ze knéckeg fir de Novanaturstroum ze kafen.

Jo, och di Greng musse sech froen: wéi gréng ass dëse Budget iwwerhaapt ?

Dëse Budget ass net gréng och net blo en ass virun allem schwaarz.

Et get och eenzel gutt Elementer an dem Budget mee no all deenen Iwwerléunge déi ech äech lo virgeluet hunn, kënne mäer Sozialisten weder de Rectifié 2009 nach de Budget 2010 matstëmmen.

Net nëmmen am Veräinsliewen spillt d’Bénévolat eng wichteg Roll, mee och an der Gesellschaft insgesamt. D’éirenamtlecht Engagement am Déngscht vun eise Matbierger ass dofir mat Geld eleng net opzeweien. Et baut op der Solidaritéit tëschent de Mënschen op, an ass deemno e wichtege Bestanddeel vun der sozialer Kohäsioun.

D’Solidaritéit ass grad elo eng absolut Viraussetzung, fir de gesellschaftlechen Zesummenhalt z’assuréieren. Dofir brauche mäer och e gudde Kader, an deem de Benevolat kann evoluéieren.

De Projet de loi iwwert d’ASBL’en a Stëftungen, deen den fréiere Justizminister Frieden kuerz no de Parlamentswahlen an der Chamber deponéiert huet, dréit dësem Constat net genuch Rechnung.

Dëse Projet muss dofir nogebessert ginn.

D’Kritik vun de betraffenen Organisatiounen ass eescht ze huelen, wëll si um Terräin schaffen a genau wëssen, wou de Schong dréckt.

Wann 20 Asscoiatiounen – dorënner den OGB-L, d’ASTI, d’UGDA an de Mouvement écologique – fäerten, datt de Projet de loi riskéiert, den Asbl’en nach méi Aarbecht opzeléen an domat dat éirenamtlecht Engagement z’ënnergruewen, da muss d’Politik reagéieren.

D’Kritiker werfen dem Gesetzesprojet zu Recht vir, datt de Bénévolat doran net genuch gewierdegt gëtt. Den onbezuelten Asaatz am Déngscht vun eise Matbierger misst um steierleche Plang honoréiert ginn, soen se a fuerderen d’Aféierung vun engem „Congé associatif“.

Och d’LSAP trëtt konsequent fir d’Fërderen vum Bénévolat an.

Fir s’Sozialisten ass di aktiv Bedeelegung vu Bierger u gemengnëtzegen Aktivitéiten eng wesentlech Viraussetzug fir e Gemeng- a Sozialwiese, dat gutt funktionéiert.

Als Partei, déi sech konsequent fir de soziale Fortschrëtt am Land asetzt, ass et dofir kloer, datt mir no um Bierger wëlle sinn, fir do ze hëllefen, wou d’Hëllef am meeschte gebraucht gëtt.

Dat gëllt ganz besonnesch fir eist d’Rettungswiesen, dat gëllt awer genee sou fir déi sëlleche sozial Déngschtleeschtungen, vun deenen, an engem grousse Mooss, déi Schwaach an eiser Gesellschaft profitéieren.

D’LSAP ass iwwerzeegt, datt mir alles musse maache, fir den éirenamtlechen Engagement ze fërderen an z’ënnerstetzen.

Et gëtt ëmmer méi schwéier Leit ze motivéieren, fir sech am Beräich vum Bénévolat z’engagéieren. Zousätzlech Laaschten an Hemmnisser, wéi dee genannten Projet de loi se virgesäit, sinn an deem Zesummenhang kontraproduktiv. Dofir begréisst d’LSAP d’Bereedschaft vun der Regierung, den Text zréckzezéien a nach eng Kéier z’iwwerschaffen.

An deem Zesummenhang stellt sech och d’Fro, ob een d’Asbl’en am Text net vun de Stëftunge soll trennen. Virun allem awer muss kloer sinn, datt e neit Gesetz de Bénévolat ënnerstëtze muss.

Mäer mussen de Leit dobaussen e kloert Signal ginn, datt si all gebraucht ginn, fir de sozialen Zesummenhalt an eiser Gesellschaft z’assuréieren. D’Aféierung vu Chèques-service a Gratis-Fortbildungsméiglechkeete fir Leit, déi sech éirenamtlech engagéieren, wäeren do e Schrëtt an déi richteg Richtung.

Doriwwer eraus sollte mer de Bénévolen déi gesellschaftlech Unerkennung ginn, déi se verdéngen.

Mäer alleguerte brauchen si an dofer brauche si eis voll Ënnerstëtzung.

(Am kader vun der fräier politescher Tribün op RTL an 100komma7)

RTL – 13.11.2009, 08:03 – Fir d’lescht aktualiséiert: 13.11.2009, 08:24
“D’LSAP kritt een neie provisoresche Generalsekretär an der Persoun vum Yves Cruchten. Dat mellt d’Tageblatt.  Hie léist domat de Romain Schneider of, dee jo an der Regierung sëtzt. Den Yves Cruchten mécht den Interim bis de Mäerz d’nächst Joer. Den Yves Cruchten ass den Ament och Vize-President vun der Partei.”

Merci all denen di mech ënnerstetz(t)(en) (hunn) ! Et get nawell vill ze dinn an eiser Partei an dat geet net eleng. Wa mer awer all eng Hand mat upaken, da komme mer eisem Ziel vun enger méi gerechter, solidarescher, fräier an toleranter Gesellschaft e gudd Stéck méi no !

Artikel aus dem Tageblatt 12.10.2009

Interessante Themen standen bei der Gemeinderatssitzung in Bascharage auf der Tagesordnung. Zusatzkredite, Parkingsituation und beim Schülertransport sorgte Rat Yves Cruchten (LSAP) für den Knaller der Sitzung.

von Jean-Marie Backes

BASCHARAGE – Von seiner kämpferischen Seite zeigte sich der Schöffenrat der Gemeinde Bascharage. Dies besonders in Sachen Umgehungsstraße, wo gar Aktionen wie Unterschriftensammlungen bis hin zu Blockaden der bestehenden Straßeninfrastruktur von Schöffe Richard Sturm (CSV) vorgeschlagen wurden. Es solle vom gesamten Gemeinderat eine Resolution für den schnellen Bau der Umgehungsstraße in einer kommenden Sitzung verfasst werden, die dann Minister Claude Wiseler vorgelegt werde. Rat Yves Cruchten bemerkte, dass die LSAP-Fraktion sich seit Jahren für diese Umgehungsstraße einsetze. Mann sollte jetzt aber nicht mit dem Brecheisen agieren, denn diese Straße stehe bereits auf der Prioritätenliste der Regierung. „Mär si schonns e gutt Steck weider“, meinte der Oppositionssprecher, der dann zum Thema eine Arbeitssitzung vorschlägt.

Bei über 50 Artikel im Haushalt 2009 wurden Anpassungen angenommen. Diese ergeben Mehreinnahmen von 195.451 Euro und Mehrausgaben von 495.958 Euro. „So ist es einfach, dem Bürger einen Haushalt mit Boni vorzustellen“, sagte Yves Cruchten. „Die Mehrausgaben waren unvorhersehbar und es bleibt immerhin noch ein Überschuss von 1,4 Millionen Euro“, meinte Bürgermeister Jeannot Halsdorf (CSV). Einstimmig wurden diverse Posten angenommen.

Der Schöffenrat fragte den Rat die Genehmigung für Gerichtsverfahren gegen Mieter in der kommunalen Industriezone. Verschiedenen Tricks betreffend Untermieter werde somit Einhalt geboten. Mit „Reibergeschichten eines petit filou“ kommentierte Richard Sturm die  Angelegenheit. Des Weiteren wird ein Handwerker vor Gericht zitiert und eine Privatperson, die ein baufälliges Gebäude trotz mehrfacher Interventionen nicht abreißen will. „Mär versichen ëmmer am Gudden eng Léisung ze fannen, mä heiansdo ass dat net méigelech.“ Mit der Firma Comet wird ein neuer Betrieb in der Aktivitätszone begrüßt.

Umwelt und Parking

Drei Projekte in Sachen Naturschutz seitens des Syndikates Sicona-Ouest lagen vor. Hier ist Rat Jos Thill (LSAP) der Meinung, dass dieses Syndikat an ungeeigneten Stellen mit hohem Aufwand Weiher und Tümpel anlegt. Anne Siebenaler-Thill (déi gréng) verwies auf die Kompetenzen des Syndikats im Bereich Naturschutz. Demnächst wird ein Vertreter des Syndikats die Fragen der Räte in einer Sitzung beantworten. Chaotisch ist derzeit die Verkehrslage in Bascharage. Die Parkingsituation sei untragbar, meinten die LSAP-Räte John Weisgerber, Yves Cruchten, Lucien Fusulier sowie Laurent Pirotte (CSV) und Josy Hames (Unabhängig). Das Lyzeum im alten Schulgebäude, neue Wohnblocks und Baustellen werden als Verursacher der Lage angeführt. Es bestehe dringenden Handlungsbedarf, meinten die Räte. Der Schöffenrat kündigte für 2010 Maßnahmen an.

Kaum zu glauben

Heftiges Durcheinander präge den lokalen Schülertransport. Rat Eric Sassel (LSAP) berichtet von 80 Kindern in einem 13- Meter-Bus, von einem Polizeieinsatz beim Schülertransport und von Briefen der Eltern, woraufhin er bereits im Sommer auf die unmöglichen Zustände hingewiesen hatte. Erst nach dem Polizeieinsatz in einem Schulbus wurde ein zusätzlicher Bus eingesetzt, sagte Eric Sassel weiter. Doch es kommt noch heftiger. Die Schwimmstunden sind um 11.30 Uhr fertig, die „Maison relais“ (die auf dem gleichen Campus wie die Schwimmhalle liegt) öffnet um 12.00 Uhr. Wohin gehen die Kinder in der Zwischenzeit? Na dann, sie werden in der Zwischenzeit mit dem Schulbus durch die Gemeinde kutschiert und dann wieder zur „Maison relais“ gebracht! Dies sagte Yves Cruchten. Eine Tatsache, die der Bürgermeister Jeannot Halsdorf bestätigte, aber auch eine sofortige Reaktion versprach.

Interessante Vorschläge zum Thema Schülertransport gab es von Schöffe Leon Lentz (DP). Das Konzept Pedibus könnte in der Gemeinde Bascharage für Entfernungen von 800 bis 1.000 Meter eingesetzt werden. Es gelte, genügend Eltern zu finden, die bereit sind, als Begleitpersonen mit diesen Kindern in die Schule zu gehen.

Iergendwéi mussen di lescht Woch am Merterter Hafen d’Piraten geland sinn… an ‘t krut keen et mat… Dach, op hierem Internetsite www.piratepartei.lu kënnegen si d’Grënnung vun hierer Partei un.  Fir déi di et nët wësse sollten d’Piratepartei huet hieren Ursprong a Schweden wou se bei de leschten Europawalen souguer e Sëtz krut, de Christian Engström deen sech awer entretemps schon un di Gréng Fraktioun am Europarlament ugeschloss huet. Ziel vun der Partei ass u sech haaptsächlech dofier staark ze maachen datt Filesharing um Internet net stroofbar ass. (Di aner Zieler Schutz vun de Bierger a  soug. Freiheetsrechter deelen si mat anere “lénke” Parteien)

Et dierf een also gespaant sinn wat d’Piraten zu Lëtzebuerg fuerderen, souwäit ech weess si mer nämlech hei zu Lëtzebuerg, wat notamment d’Droits d’auteur’en ugeet nach ëmmer zimlech large am Verglach mat aneren europäesche Länner. Mee bon villäit ass et jo och just de Wëllen eng Partei ze grënnen fir eng Partei ze grënnen. (ass nämlech méi cool e Pirat ze sinn wéi e Gréngen, Rouden, Bloen oder Schwaarzen).

Wann et dozou bäidréit datt méi Jonker sech fir d’Politik intresséieren a matdiskutéieren ass dat och ok.

Mee opgepasst ! Et get och eng Gefor bei däer Saach egal wéi sympatesch datt een di Initiativ fënnd. De Manuel Huss huet dat zimlech treffend a séngem Artikel “d’Pirate kommen” formuléiert:

Zu Lëtzebuerg brauch ee fir e Mandat am Europaparlament ze kréien em déi 11% vun de Stemmen. Ech woe mol ze behaapten, datt dat e relativ onrealistescht Ziel fir eng nei gegrënnten 1-Punkt Partei mat klenger Fanggemeinschaft ass. Se dierften also – wann da näischt Sensationelles passéiert – kee Setz am Europaparlament kréien. Wat se awer maachen: se setze sech an direkt Konkurrenz zu deene Parteien, déi (ënnert anerem) déi selwecht oder ähnlech politesch Fuerderungen an deem 1-Punkt-Beräich haut schon stellen. Dat si wuel virun allem déi Gréng (déi am Europaparlament jo och de schwedesche Pirat an hir Fraktioun opgeholl hunn), hei zu Lëtzebuerg wahrscheinlech awer och déi Lénk, an eventuell usazweis d’LSAP. Deene rietse Parteien dierfte se eigentlech kaum Stemmen ofhuelen. D’Resultat dierft bei de nächsten Europawahlen also dat sinn, dat si – wa se sech geschéckt uleeën -  e puer % kréien, déi awer fir e Setz bei wäitem net duerginn, gläichzäiteg hunn déi Gréng an déi Lénk déi Stemme manner a riskéieren hire Setz ze verléieren bzw. keen ze kréien (pessimisteschsten Szenario). Dee Moment wieren d’Piraten an d’Renne gaang, fir eng bestëmmte Politik ze stäerken, areecht hätten se – reng mat Bléck op Lëtzebuerg – genee de Konträr, nämlech datt hir Fuerderungen guer net méi ausgeschwat ginn. (manuelhuss.wordpress.org)

Ech hoffen mol datt sech d’Piraten dees och bewosst sinn… (net datt mer geschwënn just nach CSV Europadeputéierten hunn…)

Natierlech däerf et kee Sozialist (och mech net) fréen wann d’SPD iwwer 10% vun hiere Stëmmen verléiert. An dach, iergendwéi war ech gëschter net enttäuscht vun de Walen an Däitschland. Dës “batter” Défaite war wahrscheinlech néideg fir datt sech d’SPD nees kann erneieren, hiert Profil schärfen (wat och ëmmer dat heescht). Ech ka mer net virstellen datt et der SPD besser gaange wär wa se di nächst 5 Joer nach emol mat der CDU/CSU an enger Kolatioun gesiess hätt. Elo ka si neie Wand an hier Seegele kréien, dofier mussen awer Brécke geschloe ginn mam Rescht vun der Oppositioun, mam ganze Rescht!

Solidaritéit ass an der Krise net gefrot !

Virun engem Joer nach hätt ech fest behaapt datt d’Sozialisten giffen am meeschte politescht Kapital aus en enger grousser Wirtschaftskrise zéien (sou war et eben an der Vergaangenheet). Haut ass et net méi esou. Solidaritéit ass an der Krise net gefrot ! Wann et mi schlecht geet, dann zielt net méi d’Allgemengheet, mee just nach den Eenzelnen. Manner Steiere weg ! Manner Staat weg ! Wéi ass dat z’erklären ? Zemoolst an de “westlechen Industrielänner” ass de Liewensstandard vun der grousser Majoritéit relativ héich, wat villäit an de Krisen virdrun net sou war. Do kënnt villäit bei villen an der soug. Mëttelschischt de Reflex, dat wëllen ze behalen wat een huet, den eventuelle Verloscht rem vum Staat zréckzefuerderen… D’Gauche wielen, dogéint, ging bedeiten, datt och d’Mëttelschischt bei der “Ëmverdeelung” op e bessi misst verzichten fir denen “ganz Ënnen” ënnert d’”Ärm ze gräifen”… Hei gesinn ech kloer Paralellen tëschend Däitschland a Lëtzebuerg. U sech ass et jo der Gauche ze verdanken, datt mer sou eng grouss Mëttelschicht hunn. Dës Mëttelschicht dréint däer  selweschter Gauche awer  elo de Réck. D’Gauche gett deemno Affer vun hierem Erfolleg ? Wann dës Theorie stëmmt, da ging och e “linksrutsch” vun de Sozialisteschen a Sozialdemokratesche Parteien an Europa eleng net vill bewierken. Wann sech d’Sozialiste (oder di ganz Gauche) wëlle nei positionnéieren, da muss sie net nëmmen d’Partei vun den Arbeitnehmer sinn, mee virun allem rem de Fortschrëtt verkierperen. Et gëllt deemno fir d’Sozialisten di wichteg Themen wéi Ëmwelt an Energie, Aarbecht a Sozialwiesen (Stéchwuert Pensiounen!) grad ewéi all di aner wichteg Zukunftsfroen ze besetzen. Geschidd dat net, da wäert di ganz politesch Lénk nach sauer Zäiten erliewen…

Um Internetsite www.drenkwaasser.lu kritt een zimlech vill nëtzlech Informatiounen zu eisem Krunnewaasser: wou kënnt et hier ? wéi get et kontrolléiert ? wéi get et verdeelt ? (Den Ament kann een souguer bei engem Concours matmaachen an e Joer laang séng Waasserconsommatioun gewannen). Et ass e nëtzleche Site mat gudden Informatiounen. Déi di mech e bessi besser kennen, wëssen datt ech ëmmer all Mënsch op d’Nerve ginn wann ech mech driwwer opreegen datt am Restaurant San Pellegrino op den Dësch kënnt. Op dem Site www.drenkwaasser.lu steet geschriwwen datt eng Fläsch Waasser an der Moyenne 300 km hannert sech huet iert se opgemeet get. Ech hu gemengt, et wier mol intressant d’Distanzen erauszefannen dat eist Fläschewaasser mecht iert mer et drénken:

Vittel 240 Km
Hépar 420 Km
Vichy 590 Km
Volvic 670 Km
San Pellegrino 770 km

am Verglach mat Rousport, Viva oder Bierkerecher Waasser (20, 30, villäit 40 Km) misst dach jidereen sech d’Fro stellen: “Ass et wierklech sou e groussen Ënnerscheed am Goût, datt ech muss eng Fläsch Waasser per Camion duerch ganz Europa gefouert kréien?” Zemoolst di Leit di sech am Summer opreegen wann se an der Schwäitz am Stau stinn sollte villäit emol all di Camion’en zielen di S. Pellegrino drop stoen hunn…

Natierlech kënne mer kengem verbidden dat ze kafen wat e wëll/brauch. Mee Tatsaach ass einfach datt den Transport an Europa, an an der Welt einfach ze bëlleg ass, soss giff et sech dach iwwerhaapt net lounen “Waasser” duerch d’ganz Welt ze verschécken…

PS: hei sief och gesot, datt eist Krunnewaasser och e ganz gudd Drénkwaasser ass…!
(cf. www.drenkwaasser.lu)