Bis geschwënn!

Yves

Cumuléiert Gehälter vu Staatsbeamten, Privatbeamten an Aarbechter beim Staat kommen op 1,5 Milliarden Euro.

Deelt een dës Zomme duerch 13, sou kéinten ongeféier 118 Milliounen Euro gespuert ginn. (hei feelen awer nach d’Gemengebeamten)

Do si mer also nach wäit ewech vun denen 1,5 Milliarden di fehlen…

Aner Berechnungen:

Wa mer d’TVA ëm 1% an d’Luucht setzen kéinten ongeféier 130 Milliounen weider erkommen (falls de Konsum dann d’selwescht bleiwt…)
Wa mer d’Solidaritéitssteier vun 1,4 op 2,4% héijen, da wären dat ongeféier 42 Millioune bei de Salarié’en an 41 Milliounen bei de Betrieber.

Dat geet also alles nach laang net duer fir dat Lach ze fëllen…

Gëschter Owend huet den RTL e Reportage gewisen wou et ëm dem Petra séng Kandidatur bei den Europawalen a Finnland geet. Fir all déi di dësen “eemoolegen Ament an der Geschicht vum lëtzebuerger Fernseh” sollte verpasst hunn, hei kritt der eng 2. Chance fir äech dat unzekucken . E grousse Merci un den RTL, dee Reportage huet eis immens Freed gemaach. (Video download -20 MB!)

Riesen Erfolleg fir eis “Gummis-Aktioun”. Bal 2.300 Kondomer krute mer gesammelt (an ech kréie nach ëmmer gemailt an ugeruff fir mer der nach laanscht ze bréngen) Merci all denen di gespendt hunn an denen di eis moralesch ënnerstëtzt hunn.

Simone ASSELBORN-BINTZ, Bieles – Fred BERTINELLI, Déifferdang – Taina BOFFERDING, Zolwer – Yves CRUCHTEN, Bascharage - Georges ENGEL, Zolwer – Lily GANSEN, Péiteng

Ech sinn ewéi vill aner Leit chokéiert iwwer d’Aussoen vum Poopst a Bezuch op de Gebrauch vu Kondomer. Et loung mer awer um Häerz dowéinst net just op d’kathoulesch Kierch ze fachen, well ech der Iwwerzeegung sinn dat vill engagéiert Chrëschten dem Poopst séng Meenung net deelen. Et huet mer awer geschéngt wéi wann dat heiten e gudden Ophänker wier, lo wou all Mënsch doriwwer schwätzt, fir d’Leit ze sensibiliséieren an hinne ze weisen: ET KANN EEN OCH EPPES MAACHEN. Dofier hu mer zu e Puer ganz spontan eng POSITIV AKTIOUN lancéiert:

Les militants du LSAP sont choqués par les propos malheureux du Pape Benedicte XVI. à l’occasion de sa visite sur le continent africain : en condamnant l’utilisation des préservatifs, le pape risque de compromettre le travail inlassable des nombreuses ONG sur place qui luttent contre la prolifération du SIDA.

Ne voulant pas verser dans la polémique, les militants du LSAP ont cependant décidé de profiter de l’occasion du débat public actuel pour organiser une action positive, afin de sensibiliser les habitants pour la lutte contre le SIDA. En date du lundi 23 mars prochain, entre 9.00 et 11.00 heures, les militants du LSAP se retrouveront devant les pharmacies du bassin de la Chiers* pour y distribuer des tracts d’information et pour demander aux passants de leur faire don d’un ou de plusieurs préservatifs.

Les préservatifs ainsi recueillis seront acheminés vers des ONG travaillant sur le continent africain où ils seront alors distribués à la population.

Bien entendu, il s’agit ici d’une action symbolique des militants du LSAP qui appellent aux médias et à la population de soutenir cette cause.

Dat erklärt villäit och dem Nicolas Sarkozy séng méi wi pénibel a pauschal Attacken op Lëtzebuerg, d’Schwäitz an Eisträich. Och hien huet kee Rezept a sicht no engem Schëllegen op den hie mam Fanger ka weisen fir datt nëmme keen op d’Iddi kënnt ze behaapten datt grad séng (a sénge Virgänger hier) Politik vun der Déreguléierung an der Privatiséierung un dem ganze Misère Schold ass. (Cf Bréiw un de Nicolas Sarkozy)

Hei zu Lëtzebuerg ginn awer elo Neel mat Käpp gemaach. Och hei huet zwar nach keen dat richtegt Geschiir fonnd fir géint d’Krise, mee d’Regierung probéiert awer eng Äntwert ze ginn. An engem Ament wou aus der Privatwirtschaft wéineg Impulser kommen wëll d’Regierung verschidde Prozeduren vereinfachen an och selwer eng ganz Rëtsch Investissementer maachen déi de Betrieber sollen hëllefen iwwer di mi schwéier Zäiten ewech ze kommen.

Dat ass richteg esou.

Eng kleng Dommheet hätt ech awer nach fir mat op de Wee:

Am Ablack läit de Plafong beim Staat a bei de Gemengen fir en Marché de gré à gré ze maachen (also kënnen direkt, ouni Ausschreiwung e Betrieb mat enger Aarbecht ze beoptragen) bei 40.000 Euro. Dëse Plafong muss sou séier wéi méiglech erop gesat ginn op z.B. 100.000 Euro (bei 120.000 Euro get et eng europäesch Ausschreiwung). Dat ging ville Betrieber hëllefen an et kinnt och sécher gestallt ginn datt dovunner di kleng a mëttelgrouss Betrieber aus Lëtzebuerg profitéieren. Ech hat dëst als Amendement zum Walprogramm 2009 eragereecht, mee villäit sollte mer net méi sou laang waarden bis eng nei Regierung dat an d’Hand hëllt. A Krisenzäiten soll ee séier réagéiere kënnen, dat muss eis Regierung elo beweisen.

Nodeems sou lues a lues d’Lëschte vun de Parteie bekannt ginn, fällt op datt dës Kéier neess vill Nimm vu (ex-)Sportler optauchen. Während bei der CSV, d’Tessy Scholtes, bei der DP d’Anne Kremer an de Benoît Joachim nei mat an d’Wale ginn an d’Nancy Kemp-Arend (CSV) an den Eugène Berger (DP) och neess untrieden, kann een sech froen op een iwwerhaapt nach eng Chance huet gewielt ze ginn wann ee selwer keng grouss sportlech Vergaangenheet huet. Datt dat dote funktionnéiert weist och datt esouguer d’Kanner vu bekannte Sportler nach gewielt ginn, gemengt ass hei d’Fabienne Gaul, nei CSV-Deputéierten (oder ass di Damm nach fir eppes anescht bekannt ?).

Wahrscheinlech hätt ech mech net sollen als jonke Mënsch politesch engagéieren, liesen, diskutéieren, lauschteren, mat anere streiden, Sëtzung op Sëtzung, di ganz Fräizäit drop maachen. Wahrscheinlech hätt ech solle méi Sport maachen a kucken fir iergendwéi bekannt ze ginn.

Ech wëll kengem vun dene genannte Kandidaten eppes ënnerstellen, dofier kennen ech se net genuch, a villäit wäerten se eis jo och iwwerraschen. Mee si däerfe sech awer net wonneren wann d’Leit sech froen ob si wéinst hierer Kompetenz oder just wéinst hiere Sportsresultater gewielt ginn. Ass et net och esou datt eng Partei di op bekannte Sportler zreckgräift domadden och agesteet datt si net genuch gudd potenziell Politiker an hiere Reien huet an dofier léiwer bekannte Gesiichter aus dem Sport an d’Course schéckt ?

Ech denke net datt ee muss en Doktoratstitel an der Economie oder an de Siences Po hu fir kënne Politik ze maachen. Eis Gewielten sollten am Beschten eng gudd Mëschung sinn tëschend Männer a Fraen, Beamten an Aarbechter, Direkteren an Employéen, Affekoten, Sportler, Kënschtler, Gewerkschaftler a sozial engagéierte Bierger etc. an esou e Spigelbild vun eiser Gesellschaft duerstellen. D’Fro stellt sech awer op et gudd ass fir eist Land wa bis een Drëttel vun den Deputéierten als eenzege ‘Bagage’ de Sport matbréngen.

Dat alles wäert mech awer net découragéieren !

Déi di mech kennen wëssen datt ech mech mat Häerz a Séil engagéieren. Zu Käerjeng, grad ewéi am Kordall an och fir eist Land. De Walkampf wäert spannend ginn an ech wäert mäi Bescht ginn.

Fir meng Chancen e bessi ze verbesseren hunn ech awer décidéiert fir u menger Karriär als Sportler ze schaffen. Dofier hunn ech gëschter metten ëm 17 Auer de Landesrekord am Gummistiwwelwäitworf gebrach an zwar zu Käerjeng am Park (no laange Recherchen hunn ech erausfonnd datt bis gëschter nach keng Meeschterschaft war). De neie Landesrekord läit elo bei 14 m 33 cm a well bis haut nach nie eng Kompetitioun war, droen ech ganz houfreg den Titel « Landesmeeschter am Gummistiwwelwäitworf 2009 »  an der Kategorie: Mixte- Simple – iwwer 80 Kg*

Elo ass nach ze hoffen datt de “Gummistiwwelwäitworf” endlech zur olympescher Disziplin gemaach get an ech dann an de Nationalkader vum COSL opgeholl ginn. Dann dierft och enger Karriär an der Politik näischt méi am Wee stoen, oder ?

* Et ass och méiglech mech erauszefuerderen, meng Donnéen stinn an der Rubrik « Iwwer mech »

hei di offiziell Reglementer fir d’Disziplin Gummistiwwelwäitworf

An der neier Editioun vum ECHO DES COMMUNES, ass en Interview vu mäer dran, an zwar mol eng Kéier net als Politiker mee als Beamten. D’Iddi war fir de Phenomen vun de Relations Publiques am Gemengesecteur e bessi ze beliichten. Op der Couvertüre vun dem Magazin hunn se awer fälschlecherweis drop geschriwwen ech wär de Buergermeeschter… Dobäi hunn ech guer net d’Ambitioun Buergermeeschter zu Stengefort ze ginn , deen heescht nämlech Guy Pettinger an dee mecht séng Saach wierklech gudd !

Wéinstens steet et richteg am Artikel.
Den Artikel kann een hei noliesen.

Heimadde fänkt also och meng Walchronik un déi ech bis de 7. Juni wäert op dëser Plaz féieren.

Ech hoffen datt ech e puer intressant Beitreeg ka schreiwen a frée mech dann elo op all Commentären.

Hei d’Lëscht wéi se haut an der Presse war:

1. ASSELBORN Jean, Stengefort
2. BERTINELLI Fred, Déifferdeng
3. BIANCALANA Dan, Diddeleng
4. BIWER Roby, Beetebuerg
5. BODRY Alex, Diddeleng
6. BOFFERDING Taina, Suessem
7. CRUCHTEN Yves, Käerjeng
8. DALL’AGNOL Claudia, Diddeleng
9. DI BARTOLOMEO Mars, Diddeleng
10. ENGEL Georges, Suessem
11. ERR Lydie, Péiteng
12. GANSEN-BERTRANG Lily, Péiteng
13. HAINE Henri, Rëmeleng
14. HINTERSCHEID Henri, Esch
15. JUNGEN Tom, Réiser
16. LORENT John, Käl
17. LUX Lucien, Beetebuerg
18. MUTSCH Lydia, Esch
19. NEGRI Roger, Mamer
20. PAULUS Aloyse, Kielen
21. SCHREINER Roland, Schëffleng
22. SPAUTZ Vera, Esch
23. TONNAR Jean, Esch

* Erstaunen: well ech net wousst datt déi Informatioun scho sollt ëffentlech gemeet ginn.

Wann ee vu Kultur am Süde schwätzt, dann denkt ee virun allem un d’Erhale vum Patrimoine industriel. D’Zäitzeien aus der Ära vun der Stolindustrie sinn amgaang, lues awer sécher, ze verschwannen. Si maache Plaz fir Zervisser, Buttéker, Wunnengen a Parkingen. Et kann een dat bedaueren, mee gläichzäiteg muss een agesinn datt d’Welt net stoe bleiwt, och net am Süden. Dem Staat an de Gemengen hir Missioun soll et sinn dat z’erhalten wat derwäert ass, fir eise jonke Generatiounen ze weisen wéi apaart de Bassin minier duerch Fläiss a Kompetenz zum Wuelstand vum Lëtzebuerger Land bäigedroen huet.

Mee, wéi gesot, kommt mer kucken och no vir.

Wat sinn eis Trëmp am Süden?

E groussen Theater an eng Rockhal zu Esch. Net manner wéi 11 Muséeën a Bibliothéiken, e Conservatoire, eng Rëtsch Musekschoulen asw. Vun Diddeleng bis op Rodange kann ee Kultur mat Fräizäit verbannen, iwwer déi wonnerbar Spazéierweeër, déi nach vill Lëtzebuerger z’entdecken hunn. Och wa scho muenches steet, da kéint een awer nei Infrastrukturen ustriewen, wéi z.B. e Centre culturel fir de Kordall, deen doranner nach opzehuelen huet. Déi vill Musek- Gesang- an Theaterveräiner an och aner kulturell intresséiert Associatiounen wiere frou wann se op eng grouss a modern equipéiert Hal kéinten zréckgräifen. Och e neie Musée op der Base vun der Technik an de Wëssenschaften géif eng Lacune hei am Land fëllen.

Mäer hunn am Süden en intressant Instrument, de Gemengesyndikat PROSUD, deen sech niewt senge villen Objektiver, och d’Kultur verstärkt misst a säi Programm aschreiwen. Domat wier de Wee fräi fir eng besser Strategie um kulturellen an och touristische Plang. Esou eng Strategie wir och wichteg fir de Kanton Capellen. Do läit immens vill Potential dat net genuch genotzt gëtt.

Zur Kultur gehéiert och eis Sprooch. Mäer solle si net vernoléissegen a si eisen auslännesche Matbierger méi no bréngen. Loosse mer awer net vergiessen, datt mer hei zu Lëtzebuerg de sozialkulturellen Aspekt bei eisen Awunner musse berücksichtigen. An eiser multikultureller Gesellschaft sollen och aner kulturell Aktivitéite vun eisen auslännesche Matbierger net ze kuerz kommen. Et solle keng Grief geschëppt, mee Brécke gebaut ginn. Wann dat op enger Plaz am Land wichteg ass, da grad am Süden.